مساء الخير ادري من زمان عنكم جبت لكم قصه اليوم رووووووووووعه صحيح طويله بس لا تفوتكم
فهد: يمه انا طالع تبين شي
ام فيصل : وين رايح انا مااشوفك الا يا داخل يا طالع ياولدي
فهد : يمه بروح اذاكر مع نايف تعرفين احنا اخر سنه ثانويه ولازم نجيب نسبه ولا ماتبيني اصير طيار
ام فيصل : لا والله ياولدي ماابيك تصير طيار صير كل شي الا طيار
فهد : ههههههههههه ليه يمه تخافين علي؟
ام فيصل : وليه مااخف عليك مانت ولدي
فهد : الا ولدك يمه بس انا مااشوفك الا دايم ياتدافعين عن فيصل ولا تدلعين خويلد وانا ضايع بينهم لا تدافعين عني ولاتدلعيني
ام فيصل :يمه انت بسم الله عليك عاقل فاهم وشايل نفسك بنفسك اما فيصل انت تعرف اني دايم ادافع عنه لانه اخوك الكبير وتحمل مسؤليتكم بدري بعد وفاة ابوك وكل شي فوق راسه ماابي شي يكدر خاطره يكفيه همه اما خويلد فهو ماشاف ابوك مات وهو صغير ولا يذكره وماابيه يحس بشي ناقصه
فهد : وانا؟
ام فيصل : انت عاد غير انت عقل ذا البيت وابيك تعرف شي كلكم عندي سوا انت واخوانك وخواتك مااحد يفرق عندي ابد بس احيانا يا يمه اشوف احد من اخوانك تعبان ولا متضايق ويطلع اهتمامي فيه بزياده عنكم
فهد قام وحب راسه امه : الله يخليك لنا يا ام فيصل انتي الخير والبركه وانا اعرف انك ماتفرقين عن بعض بس اتدلع عليك
ام فيصل : يازينك وزين دلعك يلا عاد كأنها حلت لك الجلسه معي ماتبي تقوم تدرس
فهد : واحد يمل من جلستك يمه بس الا بقوم اذاكر عشان انجح واصير طيار
ام فيصل : طيار قلنا لا
فهد وهو ماشي ومعطي امه ظهره : ههههههههههههههههههههه ابشري ياام فيصل ولا يهمك طيار لا يعني لا
ام فيصل : نوره يا نوره
نوره : نعم يمه
ام فيصل : تعالي دقي لي على بيت خالتك ام نايف انا عيوني ماعاد تشونف ارقام هالجوال اللي ابلشتوني فيه
نوره : هههههههه ابشري يمه
نوره : الو السلام عليكم
مها : اخس وش عندها نويره صايره مؤدبه
نوره : مهيوو هلا والله اخبارك يالقاطعه
مها : الحمدالله بخير انتي شلونك
نوره : انا بخير الحمدالله بس وينك عن الماسنجر لي 3 ايام ادخل ومااشوفك متصله
مها : أي ماسنجر واي خرابيط انا اذاكر ياماما انتي ناسيه انه مابقى على الاختبارات الا يومين
نوره: الله واكبر ياللي تقول الحين بتاخذ الماجستير ولا الدكتوراه هذا وانتي توك باول ثانوي ,اقول اجل لو انك مكان فهد ونايف وش بتسوين الظاهر بتعتكفين على الدراسه دهر
مها : فهد؟؟ .. على طاري فهد وش مسوي بالمذاكره
نوره واللي استغربت سؤال مها : الحمدالله بخير اسمعه قبل شوي يقول لامي انه جاي عند نايف يدرس معه
مها : فهد عندنا ؟؟؟؟؟؟؟؟؟
نوره : مها ووجع وفي فيك اخترعتي ايه عندكم
مها : طيب نوره يلا باي انا بروح اذاكر
نوره : تعالي تعالي ووجع انا مادقيت عليك ابيك انا ابي خالتي وبعدين شوفي اذا خلصنا اختبارات لازم تجين عندي شهر
مها : ياسلام وانتي ليه ماتجين عندي
نوره: خلاص اول العطله عندنا واخر العطله عندكم
نوره : أأأأأأأأأأأأأأأأأأأأأأي
مها : وجع ان شاءالله وش آآآآآآآآآآآي طاقتك انا
نوره : لا والله امي اللي ضربتني
مها : ههههههههههههههههههه وليه ضربتك
نوره : لانها هي اللي قايله لي ادق عليكم تبي خالتي
مها : ههههههههههههههههههههه احسن تستاهلين
نوره : هذي جزاي الحين اني نسيت نفسي معك
مها : هههههه طيب طيب خليني انادي امي لا تكسر خالتي عظامك من كثر الضرب
نوره : هاك يمه الحين خالتي تجي
ام فيصل : وجع مابغيتي تخلصين انتي ومهيو
ام نايف : الو
ام فيصل : هلا والله شلونك وش اخبارك
ام نايف : الحمدالله بخير جعلك بخير وشلونكم انتو وش اخبار العيال والبنات
ام فيصل : الحمدالله بخير .. الا اقول ام نايف
ام نايف : سمي
ام فيصل : وش اخبار نايف مع مذاكرته
ام نايف : الحمدالله بخير هذا هو مرابط بالملحق وشباب داخلين وشباب طالعين يدرسون معه
ام فيصل : وتشوفين فهد معهم ؟
ام نايف: ايه دايم معهم وهذا هو توه جاي الظاهر اشوف نايف يصوت لي يقول انه يبي يسلم علي
ام فيصل : ايه اشوى لانه دوم يقولي انه عند نايف يذاكر وانا قلبي ياكلني عليه هذي اخر سنه له وهو دوم طالع وين رايح: عند نايف , ومن وين جاي : من عند نايف
ام نايف : لا تخافين ولا تحاتين يا ام فيصل فهد رجال بسم الله عليه ويحس بالمسؤوليه
ام فيصل : دامه مع نايف مانيب خايفه عليه ن شاءالله ,يلا ياام نايف مااطول عليك تامرين بشي
ام نايف :سلامتك سلمي لي على فيصل وزوجته وباقي العيال والبنات
ام فيصل : الله يسلمك وانت سلمي على اللي عندك
((((((((((((((((((
نايف : فهود يلا تعال امي خلصت كانك تبي تسلم
فهد : احم احم ياولد
نايف: ادخل ادخل ماعندك احد
فهد : السلام عليكم قوة خالتي
ام نايف: هلا والله هلا وغلا بالزين كله
نايف : افا وانا يمه
ام نايف : انت عاد وسيم العايله بس فهد الزين كله
فهد : الله يسلمك ياخالتي عيونك الزينه وش علومكم وش اخباركم
ام نايف: احنا بخير جعلك بخير بس العلوم عندكم انتو وش اخبار الدراسه معكم
فهد : والله الحمدالله ياخالتي هذا احنا نسوي اللي علينا والباقي على الله
ام نايف : والنعم بالله ياولدي بس انت وش ناوي عليه نويف وقاضين منه مايبي الا طب بس انت ماقررت
فهد : والله ياخالتي مدري على حسب النسبه بس كل ماقلت لامي طيار بحلقت عيونها فيني وقالت لي انسى هههههههههههههههه
ام نايف : وانت من جدك تبي تصير طيار
فهد : واحد يعاف يصير طيار ياخالتي بس ماودي ازعل امي وابسكت عن الموضوع لاحد مااتخرج واشوف نسبتي وش تدخلني اخاف اكدر خاطري امي ولا اجيب النسبه اللي تدخلني كليه الطيران
ام نايف : الله يوفقك يا يمه ويكملك بعقلك
نايف : فهود اشوف حلت لك الجلسه يلا قم ورانا مذاكره ماعاد بقى الا يومين
ام نايف: رح ذاكر وخلني مع فهد وش عليك منه حاسده
نايف: لا يمه انا كذا اغار
ام نايف: الحمدالله والشكر وش تغار منه .. من اخوك
فهد : ههههههههه الله يسلمك ياخالتي بس هو صادق ورانا مذاكره ولازم نشد على اعمارنا ماعاد بقى شي ولا ماتبيني انجح واصير طيار بعد مثل امي
ام نايف: هههههههههه لا ياولدي الله يوفقك ويحقق لك اللي تبي
فهد : الله يخليك لنا ويطول بعمرك يارب
ام نايف: الا يمه نايف عندكم احد بالملحق غير فهد عشان نحسب حسابه بالعشى
نايف: ايه عندي اثنين من ربعي ومحمد ولد عمي صالح يذاكر مع اخوي عبدالرحمن
ام نايف: خلاص روحوا ذاكروا الله يوفقكم وبعد صلاة العشا ان شاءالله يكون العشى جاهز
نايف: الله يعطيك الصحه والعافيه يمه
ام نايف: مها
مها : يالبيه ياام مها
ام نايف: تعالي يمه وش المطاعم الزينه اللي دايم تطلبون منها انتي واخوانك
مها : ليه يمه مشتهيه تتعشين من برا اليوم
ام نايف: لا بس اخوك نايف عنده ربعه وولد خالتك فهد يدرسون معه واخوك عبدالرحمن معه ولد عمك صالح وابي اطلبهم شي من برا عشان يغيرون من اكل البيت وابي بعد شي حلو
مها اللي من يوم ماسمعت اسم فهد وهي في وادي ثاني
ام نايف: مها .. مها .. مهيو وصمخ
مها : هاه هاه يمه
ام نايف : هواه تشق حلقتس وش هاه
مها : لبيه يمه
ام نايف : مارديتي علي
مها : في وشو
ام نايف : في ا للي قلت لتس
مها : وش قلتي يمه
ام نايف: لا انتي الظاهر فيتس بلا اليوم عقلتس ماهوب معتس
مها : هاه ايه يمه تعرفين كنت سرحانه بالمذاكره عيدي وش قلتي
ام نايف: قلت ابي مطعم زين يجيب لعيال عشى زين انا اعرف شباب هاليومين يحبون اكل المطاعم وابي بعد محل حلويات يجيب لكم كيك مع القهوه
مها : اممممممممم مطعم زين مطعم زين اسمعي يمه فيه مطعم هندي مررررررررررره ممتاز وفيه مطعم صيني بس الهندي مايوصل لازم احد يروح يجيبه
ام نايف : طيب وش الازين الصيني ولا الهندي
مها : يمه الهندي اكله يجنن وانا اسمع دايما نايف انه يروح له هو ويا ربعه
ام نايف: خلاص اجل اسمعي روح كلمي على المطعم واطلبي لهم ولنا عشى زين وهذي فلوس خلي احمد يروح مع السواق يجيبه
مها : ابشري يمه بس والحلويات
ام نايف: عاد دبري عمرتس المهم جيبي لهم شي زين
مها : خلاص اجل ابجيب لهم كيك ومعمول بالتمر من محل الحلويات اللي دايم نشتري منه
ام نايف: خلاص واذا وصل العشا علميني عشان نجي نجهزه سوا
مها : ابشري .. أحمد .. احمدووووووووه
احمد : هاه وش تبين
مها : قم طالبين عشا من المطعم الهندي ونبيك تروح مع سيتا تجيبه
احمد : وليه المطعم مايوصل الاكل
مها : قلت لك المطعم الهندي وانت تعرف المطعم الهندي مايوصل
احمد : وانتي يعني ماتعرفين تطلبين الا من المطاعم اللي ماتوصل حبكت
مها : اولا موب انا اللي طالبه امي .. ثانيا بتقوم ولالا
احمد : والله لو تناقزين مانيب قايم الحين خليني مباراة الهلال تخلص وبعدين يصير خير
مها : ياسلام الحين مخلي مذاكرتك وجالس تطالع مباراه الهلال ؟؟
بعدين الساعه 9 يعني تبينا نخلي العيال اللي عند نايف وعبدالرحمن لحد ماتخلص مباراه الهلال
احمد : ماشاءالله وانا مكلف بعبدالرحمن ونايف هم وربعهم اجيب لهم العشا؟؟
مها : احمدوه نايف اخر سنه ثانويه ولو تموت ماراح تخليه امي يطلع وعبدالرحمن اول ثانوي ومواده كثيره وصعبه لازم تراعيهم
احمد : نايف وفهمناها بس عبدالرحمن موب عذر عشان مايطلع يجيب العشا ولا عشانه توأمك تدافعين عنه
مها: انت الكلام معك ضايع اروح اعلم ابوي احسن
احمد :لالالالالالالالالالا وش تعلمين ابوي تبينه يذبحني يعني ماتعرفين انه ابوي ماعنده لعب اروح ورجلي فوق رقبتي بعد
مها : طيب خلاص اجل هذي الفلوس ومر البقاله وانت جاي وجيب مشروبات
احمد : اللهم طولك ياروح كن مابه في هالبيت الا احمد الظاهر اني بشتغل مكان سيتا احسن لي
مها : هههههههههههههههه والله احسن توفرعلى ابوي راتب سواق
احمد : طيب يامهيو دواتس عندي بس خليني ارجع
ام نايف : مها هاه يمه وصيتي احمد يجيب العشا
مها : ايه يمه بس بعد الموت رضى يروح كان يطالع مباراه الهلال
ام نايف: هالولد بيذبحني ماادري على مين طالع كلكم بسم الله عليكم شاطرين وفالحين قاعد يطالع مباراه وهو وراه اختبارات
مها : يمه الله يهداتس هدي عمرتس احمد توه بسادس ومواده سهله وبعدين هو بسم عليه ذكي يعني لا تخافين ولا تحاتين
ام نايف: الا وين اختس مشاعل
مها : تلقينها تلعب برا في الحوش
ام نايف: روحي دوري عليها ذي بزر يمه اخاف تطيح لها على بلا من هالمنظفات ولا شي
مها : ان شاءالله يمه
مها : مشاعل .. ميشووووووو .. ميشووووووو
نايف: مهااااااااااااااااا .. يمه ..... مها .... يمـ
مها : وجع وجع وش فيك تصارخ خرعتني
نايف: روحي جيبي مايب سرعه فهد تعبان
ام نايف: ووشووووووووووو فهد تعبان وش فيه ؟؟
مها : وش فيه فهد
نايف: مافيه شي بس اتعبه صدره من الجو المغبر وانتي تعرفين فهد عنده ربو
ام نايف: بخاخه ماهو معه ؟
نايف: الا يمه بس هو طلب ما
مها وصمخ انتي وش فيتس واقفه تطالعين فيني لي ساعه اقولتس جيبي مويه
ام نايف : يمه اسمع ادخلوا داخل في المجلس ماتسوى عليكم هالدراسه
ام نايف: يمه مايصلح معي ربعي لو انه انا وفهد ولد عمي صالح معليه بس معي عيال غرب
ام نايف : نايف اسمع الكلمه وبس دخل كل اللي معك بالمجلس والبيت مافيه الا انا ومها
نايف: ومشاعل ذا المزعجه بتقعد كل شوي تدخل علينا
ام نايف : لالا انا بجيبها عندي وبشغل لها التلفزيون على افلام الكرتون وبتهجد بس لا تخلي ولد خالتك في الحوش و في الغبار فهمت
نايف: ابشري خلاص اانا بروح ادخلهم وارجع اخذ الماي
ام نايف: نايف .. نايف
نايف: هلا يمه
ام نايف: لا دخلتوا وارتاح فهد ناده لي ابي اتطمن عليه
نايف: ابشري
مها : يمه وين نايف
ام نايف: راح يدخل العيال داخل وينادي فهد ابتطمن عليه حطي الماي هنا وامسكي مشاعل عندتس لا تروح لهم المجلس تزعجهم
مها : طيب
نايف: فهد تعال ابيك شوي
فهد: نعم
نايف : امش معي داخل امي تبي تطمن عليك
فهد : الله يهديك يانايف ليه علمتها وخرعتها انا متعود دايم
نايف: عاد هذا اللي صار دخلت عليهم اجيب لك ما وعرفت بالموضوع
فهد طيب : طيب شوفي لي طريق
نايف: امش بس طريق عن مين مافيه الا امي ومها
فهد : احم احم ياولد
ام نايف : تعال يمه تعال مافيه الا اختك مها
فهد : السلام عليكم
ام نايف: هلا والله يمه شلونك الحين
فهد : الله يسلمك يمه مافيني الا العافيه بس نايف جبان الله يهديه ماكان له داعي يخوفتس علي
ام نايف: بسم الله عليك يمه تحس بشي الحين
فهد : لا والله يمه مافيني الا العافيه كلكم عارفين مافيني شي جديد مع هالربو
ام نايف: سلامتك يمه خلاص روحوا ارتاحوا والحين بيجيكم العشا خذوا لكم راحه شوي من جو الدراسه
فهد : ابشري يمه تامرين بشي
ام نايف: سلامة عمرك
فهد : الله يسلمتس
دخل في هاللحظه عبدالرحمن وشاف مها جالسه مع مشاعل عند التلفزيون وفهد توه بيطلع
عبدالرحمن : مها ووجع ان شاءالله
مها : هاه
عبدالرحمن : صدق انتس ماتستحين الحين تشوفين الولد جالس مع امي ورا مادخلتي داخل
مها : امي ماقالت لي وبعدين انا توني مابعد تغطيت ليه ا روح داخل
عبدالرحمن : يعني انتي بزر
مها : بزر في عينك تراني توأمك يعني كبرك اذا انا بزر فانت بعد بزر
عبدالرحمن : بزر في عينتس واذا انتي مانيب بزر اجل ووشو له ماتغطيتي من الولد وبعدين اذا انتي تحسبين نفستس صغيره فهو رجال كبير ولا عاد اشوفتس مره ثانيه لا دخل أي احد من عيال خالتي او خوالي تقعدين معهم فهمتي
مها : طيب خلاص فك يدي عورتني
عبدالرحمن : جعلها الكسر ان شاءالله بس الشرهه ماهيب عليتس الشرهه على ذا الدلخ اللي واقف هناك
نايف: انا دلخ؟
عبدالرحمن : ايه دلخ اجل تخلي الولد يدخل واختك فيه
نايف: هههههههههه مها توها بزر
عبدالرحمن وعيونه مثل الجمر: يعني انا بزر
نايف: هههههههههههههه انت رجال
مها : ياسلام هو كبري اشمعنى هو رجال وانا بزر
نايف: تبين تصيرين رجال انتي بعد
مها : رجال في عينك انا بنت حرمه كبيره
ام نايف: خلاص بس انت واياه اوجعتوا راسي نايف يلا خذ العشا و انت ياعبدالرحمن خذ الباقي
مهيو : روحوا جيبي الببسي والعصيرات خليهم يتعشون
مها وهي معصبه : طيب جعله مايحدر
نايف وعبدالرحمن : هههههههههههههههههههههههه
ابو خالد : السلام عليكم
ام خالد : وعليكم السلام ورحمة الله وبركاته
ابو خالد : شلونكم يابنات
سلمى : الحمدالله يبه بخير
هند: انا مانيب بخير يبه
ابو خالد : افا ليه ياابوتس
هند : عندي بكرا ماده صعبه وعجزت احفظها
ابو خالد : بكرا ؟؟ بكرا خميس ياابوتس
هند : ايه يبه الجامعه احيانا في الاختبارات يحطون لنا مواد الخميس
ابو خالد : طيب يابنيتي كان قلت لي من قبل واحطلتس مدرسه
هند : فديتك يبه بس المدرسه هذاك اول يوم اني بالثانويه بس بالجامعه مو أي ماده اقدر اجيب لها مدرسه فيه بعض المواد تعتمد على مجهود الطالبه وعلى استاذه الماده وشرحها
ابو خالد : الله يوفقتس يبه شدي حيلتس وسوي اللي عليتس والباقي على الله
ام خالد : احط لك عشى؟
ابو خالد : مابعد تعشيتوا ؟
ام خالد : لا ننطرك
ابو خالد: ومخليه العيال ينطروني وهم عليهم اختبارات ؟ ورى ماعشيتيهم
ام خالد : هم قالوا مالنا خاطر نبي ننطر ابوي
ابو خالد : خلاص حطي لنا عشا انا تعبان ابتعشى و انام
ام خالد : من عيوني
سلمى : ياعيني ياعيني على الغزل
هند وهي تطق سلمى بكوعها : وجع استحي
سلمى : أي عورتيني وعمى خير ياطير اذا تغزلوا في بعض خلينا فري مثل الاجانب
هند :انتي مااحد ماكل عقلتس الا هالافلام الاجنبيه
سلمى :ايه ماكله عقلي انتي وش عرفتس بالرومانسيه
هند : انا اعرف الرومانسيه اكثر من خشتس بس استحي عيب قدام ابوي
سلمى : ياشيخه طيري انتي من العصر الحجري
هند : انا اقوم اذاكر احسن لي من وجهتس
سلمى : يكون احسن بعد
ابو خالد : وين ياهند ماتبين تتعشين
هند : لا يبه مالي نفس
ابو خالد : امتس تقول انكم تنطروني
موضوع: نهاية حلمي 
الإثنين أكتوبر 29, 2007 1:55 pm
