الصدر زامي والردوف عراض مع ضيق الخصر **** واليا مشت تعجبك مش

بسم الله الرحمن الرحيم

الجادل اللي تسرق الالبـاب فـي لمحـة بصـر
استذنبت في معشر الجهـال واصحـاب العقـول

استيسـرت كـل المشاعـر بالمفيـد المختصـر
بين التغطرس والتواضع تكمن اسـرار الفصـول

القلـب شاطيهـا وتلعبـه علـى مـد وجــزر
واحيان تسترخي على حد الضلوع مـن الميـول

في حسنها فوق الوسيعـه يـالاوادم مـا ظهـر
من عهد ابونا ادم وعاد وما بعد حلـف الفضـول

كل العيـون الـي تناظرهـا يطاولهـا السهـر
عينٍ تناظرها تهيـم فحبهـا عـرض ٍ وطـول

من الترف في خطوته عـوده يميـل وينهصـر
الخشـم سلـة سيـف والشفـه يعانقهـا الثمـول

قوامهـا جـذاب تلعـت جيـد والمبسـم جمـر
واليا تبسم ثغرهـا تحـت اللثـام تشـوف لـول

الصدر زامي والردوف عراض مع ضيق الخصر
واليا مشت تعجبك مشيتها علـى قـرع الحجـول

الصمت صمت العقل وان قالت تقول احلى الدرر
والعمر تسعة عشر ياصغر حول والا اكبر بحول

كن البني من حولهـا وارد عـراوي مـع همـر
من شافها يسكر لوانه ما شرب خمـر وكحـول

لو يوم طبت بحـر جـده ينقلـب طعمـه نهـر
احلى من العاصي ونهر السين وعيـون الحقـول

لو تلبس اي لبس بين الجنـس موضـه ينتشـر
ولو تركب الركبي دقائق يرتفع سعـر الرحـول

نظراتها صاروخ توما هوك في عـرض البحـر
ما كثر ضحاياها اليا لـدت بخرساهـا الكسـول

لو حاربت بعيونها الاوغاد فـي هـاك العصـر
تقضي علـى جحافـل التتـار وتبيـد المغـول

ولو الفتاه تساق عطفه غيـر الاقصـى ينتصـر
واليندحر صهيون هـارب تـاركٍ خلفـه فلـول

استغفـرالله مـا تقـال مـن الاوادم والبـشـ ر
لامرت اللي فالطريق يصيبهـم حـب الفضـول

الله يحرم جسمهـا الناعـم علـى صالـي سقـر
الورده اللي لو يطول العمر مـا جاهـا الذبـول

لو الوليـد يسـوق بـرج المملكـه فيهـا مهـر
ويسوق مليـارات بالـدولار للخشـف الجفـول

ماهي خساره يالوليـد البنـت ذي مـوتٍ حمـر
تستاهل اللي تدفعـه لـن التعـب فيهـا معقـول

ولوشافها منصور ابن حمـدان بالاتـي حضـر
يبيعهم من نـور حتـى اللـي يدقـون الطبـول

والخس لـو يشوفهـا نبضـات قلبـه تحتضـر
يقضي بقيـة مـا بقالـه مـن سبايبهـا معلـول

ولو شافها الاحنف اليا قفـت يضيـق وينفجـر
يضيع حلمه في ثواني والسبـب شرحـه يطـول

من شافها ماله يكـود الصبـر يحتسـب الاجـر
والا الدعاء يمكـن يوفـق ساعـةٍ فيهـا قبـول

ودك تداعبهـا تلاطفهـا علـى ضـوء القمـر
حلال ماهو جرم لابله علـى حسـب الاصـول

في منتصف شهرٍ ربيعـي مكتمـل فيـه البـدر
العشب سجـاد الطبيعـه والنفـل ريحـه يجـول

في روضة التنهـات والاخريـم يحلـو السمـر
لاتغرك الحمراء ولا شاط القمـر واللـي يقـول

مريت صدفـه لكـن الانسـان يحكمـه القـدر
الله لايذكـرك بالخيـرات يـا رويـال مــول

جيتك سليم من الهـوى عـودت قلبـي منكسـر
كله سبائب جادلٍ تسبـي قلـوب اقـوى العقـول

تقبلو تحياتي